وحَّد وادي النيل الشاعر محمد عبد الفتاح الجرنوسي الصغير
وحَّد وادي النيل
الشاعر محمد عبد الفتاح الجرنوسي الصغير
****************
إقرا الآية ف التنزيل
قوم له بسرعه بلاش تأجيل
خطوة جريئه
بأي طريقه
ونبقى حقيقه ومش تضليل
وحد تاني ولاد النيل
الإيمان بالمولى سبقنا
لسه ما جاش اللي يفرَّقنا
ولا نار الدنيا تحرقنا
بالإيمان مش بالتمثيل
وحد تاني زهر النيل
أصواتنا دايماً متروكه
في أمم الوحدة المفكوكه
خللي ف ظهر عدوك شوكه
مش ح تشوف ف بلادك ويل
وحد تاني شعب النيل
وحد وادي النيل وافديه
إنت الأولىَ وروحك فيه
ده نجاتك واتسلح بيه
ما تخليش لعدوك حيل
وحد تاني فروع النيل
واطلع منه ع الأمميه
وحدها وحقق أمنيه
للشعب العربي بعروبيه
تطلع شمس بسلخ الليل
ح اعمل لك شعري توكيل
وحَّد ..وحَّد .... وادي النيل
وحَّد ..وحَّد .... وادي النيل
وحَّد ..وحَّد .... وادي النيل
الأحد سبتمبر 26, 2010 12:42 am
